O cultur.gal vira AchegArte
25 novembro 2009
Despois da vergoñenta decisión da Xunta (unha máis entre tantas!) de retirar o apoio financieiro para a organziación da feira da cultura galega que anualmente se celebraba na cidade da Coruña baixo o título cultur.gal, diversos solectivos culturais decidiron continuar coa organización do evento, co novo nome de AchegArte e co apoio da Deputación e do Concello da Coruña. Así, durante todo o fin de semana próximo (sábado 28 e domingo 29), o recinto PalExCo acollerá unha enorme variedade de representacións artísticas e mostras culturais. A entrada é libre e gratuita, e o programa pode ser consultado ou descargado desde a web de Cultura do Concello da Coruña.
En Xornal podedes ler unha entrevista con María Xosé Bravo, máxima responsable pola coordinación dos esforzos dirixidos a conseguir organizar o evento. Moita merda e longa vida a cultur.gal/AchegArte!
26 novembro 2009 ás 1:44 am
Sodes conscientes de que ‘renovar o bng’ é o blog de blogaliza máis visitado nos últimos días? E feijoomente anda entre os 4 ou 5 primeiros tamén.
Droghaditos do blog!!
Iso sí, non sei se hai algunha estatística que diga o mesmo para todos os blogs, non só os de blogaliza.
Parabéns.
27 novembro 2009 ás 2:04 pm
Alguén debería de preguntarlle o conselleiro de cultura se pensa que o Culturgal era producción cultural, porque según el hai que apoiar a promoción e non a producción.
27 novembro 2009 ás 6:19 pm
Moitos parabens para María Xose que está a demostrar o valor do traballo ben feito.
27 novembro 2009 ás 7:36 pm
Chámame a atención que os promotores desta páxina, tan atentos aos máis variados avatares do Bloque, aínda non teñan feito ningún comentario sobre a asunción da responsabilidade de estratexias por Beiras.
27 novembro 2009 ás 8:05 pm
#4 podes facelo tí, chirleu. Esta páxina está pensada para que todos aporten.
27 novembro 2009 ás 10:04 pm
#4 chirleu: Temos 15 posts pendentes de finalización, e un é sobre ese asunto. E é que hai épocas nas cales non damos abasto con tanta cousa pra comentar no BNG. Contamos coa vosa comprensión.
Saúdos.
28 novembro 2009 ás 1:39 pm
#1 caralladas: O propósito deste blog non é ser líder en visitas, senón promover o debate no seo do BNG. Desde logo, o feito de que cada vez sexan máis -e máis diversas- as persoas que nos len contribúe a ese obxectivo, pero non é o ranking a nosa preocupación esencial.
Con todo, non é unha situación nova, senón bastante habitual: este blog foi lanzado o pasado 9 de marzo, e desde mediados de abril ven ocupando o 1º lugar en Blogaliza na maioría das ocasións. Canto a Feijoomente, é outro tipo de blog, moi plural na súa redacción e cunha outra liña política, e desde que apareceu (o 6 de xuño) sempre oscilou entre o 2º e o 4º lugar, polo que tampouco é novidosa a súa clasificación.
O importante de todo isto é que a blogosfera galega está moi viva e que cumpre unha función cada vez máis importante de información e de debate social. E se nós contribuímos modestamente a iso, encantados; tanto se este blog é o 1º en visitas, como se é o 49º. Entre outras cousas, porque iso non depende de nós, senón de vós, e aceptamos con moito gusto as visitas e comentarios, do mesmo xeito que respectamos que nos abandonedes se vos cansades de nós.
Saúdos.
P.S. Por certo, estes últimos días o blog líder en Blogaliza non é este, senón acorunacultura.org, con motivo da feira cultural AchegArte. E aquí nos tes, sen ningún trauma por perder a lideranza